Сезімге жүрсің тағынбай,
Уақытың өтер бағынбай.
Қайтесің сонда жолыңда,
Сүйгенің жатса табылмай.

Еліктің ерке лағындай,
Жанары моншақ лағылдай.
Алыстан іздеп қайтесің,
Жүрмін ғой жаным, жаныңда-ай.

Махаббат жасқа қарамайды,
Сезімді ыстық бағалайды.
Сүйемін десе, асау жүрек,
Сүймеймін деуің, жарамайды.

Алыстан аңсап, сағынбай,
Сарғая күтіп, сарылмай.
Екеу боп ғұмыр кешейік,
Дүние өтер сағымдай.

Қайғы мен мұңға салынбай,
Сезімді алшы қабылдай.
Сырымды әнмен ақтардым,
Нұрыңды шашшы таңымдай.

Махаббат жасқа қарамайды,
Сезімді ыстық бағалайды.
Сүйемін десе, асау жүрек,
Сүймеймін деуің, жарамайды.