БАР  УЛ ҺӨЙӨҮ
Л.Һаҡмар шиғыры Ф.Шәрипова көйө

Тик берәүҙе һөйгөм килә,
Аҡылымды юйып,
Тоғро ҡалыр инем уға
Мин ғүмерем буйы.

Ҡушымта:
Мин ышанам – бар ул һөйөү –
Хоҙай биргән бүләк,
Хыялдағын ысын итә,
Һөйә белгән йөрәк!

Ғазабына, һағышына
Түҙер ине күңел,
Янһын йөрәк, янһын дөрләп,
Ҡалһын ҡара күмер!

Ҡушымта.

Һине эҙләп, ғәләм гиҙеп,
Мин үтергә әҙер,
Татыр өсөн ысын һөйөү,
Саф мөхәббәт тәмен.

Ҡушымта.