Гасподзь! Затрымацца дазволь
На гэтай грэшнай зямлі.
Зрабі ласкавейшы мой боль.
Душы раўнавагу пашлі.

Праз ноч, што жыццём нараклі,
Я йшоў на тваё святло.
Гублялася сцежка ў быллі, 
Ды ў сэрцы світанне жыло.

Гасподзь! Прагані мой страх,
Што следам ідзе за мной.
Я, з праху зямнога прах,
Вінюся зямной віной.

Пачую Цябе і глухі.
Аддзячыць [bad word] стокроць.
Правіны мае і грахі
Даруй, літасцівы Гасподзь...

Верш Рыгора Барадуліна.