Ким эмитэ бу олоххо
Ол кэтит мэҥэ халлаантан
Кэрэлии тиллэн ыраатта
Ситтэ дуо, куоппут санаатын
Булла дуо, дьол диэн кылаатын
''Биитэр муҥ санаа''
Кими көрөөттө үйэҕэ
Сүппэт курдук таас сүрэхтии, таптаатай...

Доҕоруом бырастыы..
Хаалла сиргэ хараастыы
Манна тымныы суох сылааспыт
Эргийбэт хас да сыл аастын
Ким сатыы, үрдүккэ ыйаастар
Кинигэҕэ туһалар ыраастар
Үтүөттэн барытыттан аккаастан.

Дьолу киһи булар ыартан
Сөллөр олох уһун быата
Күннэтэ үөрүү ырыата
Мөлтүүр иһиллибэт тыаһа
Сылтан сыл самыыр күүһэ
Күүһүрэн иһэр түүнэ
Сири бүтүннүү бүрүйдэ
Ама киһи бүдүрүйбэт.

Мин бу туран өйдөөтүм эмискэ
Тоҕо ким эрэ хаһан да тигиспэт
Тапталга да, сырдыкка да,
Мэһэйгэ өрүүтүн наар иилистэр
Тоҕо диэтэр, кини да силистээх
Онтун арай сиргэ тэбистэр
Мэлийэр букатын бу кэрэттэн
Кинини ким да сэрэппэтэх.

Припев
Эйигиттэн куота барбыт кэрэ кэми
Эргитиэм диэн эрэнэҥҥин,
Сиппэккиэн..
Хаһан этэй, харах уутун, 
Харыстаабыт бэйэҕин буруйдуур түгэҥҥин, Эппэккин..
Бу хараҥа хайа баҕар кистэлэҥи
Сүтэриэҕэ ол түгэҕэр Эн,
Тиийбэккин..
Эйигиттэн куота барбыт кэрэ кэми
Эргитиэм диэн эрэнэҥҥин,
Сиппэккиэн..

Тугунан быыһаммыт киһи
Арай сиргэ төрөө иккиһин
Тупсуохпут дуо дэһэбит
Ол эрэн ол барыта албын эбит
Ол иһин испит эрийэн
Кэрэ кэмнэри куотан эрэрин Эккирэтиэм
Буола илиги син биир ситиһиэм
Эппит тылым туоллун диэн.

Умнуу кэлэн эрэр дуу
Өспүт кутаа курдук умуллуу
Хаар барахсан сабар ини бу
Биһиги буруйдаах суолбутун
Оннук буолуо дуо бу кэмҥэ
Биир түгэнтэн бу сүтүктэн
Уу түгэхтээх, онон сэрэхтээх
Соҕустук сырыт эрэ эйиэхэ диэххэ
Бу барыта сүтүө син биир
Биир олохпут диэн эргиир
Дьол туһугар бүтэһик киирсии
Суол кытыыларыттан тэйсии
Өр буолбат бу айан син биир
Ким ону барытын кээмэйдиир
Сөп эбэтэр сыыһа кэрдиис
Өл эбэтэр киирсэн ис.

Бу барыта бүтүө син биир бил
Олохпут эргиир дьол, 
Туһугар бу киирсии сор
Кытылыттан тэйсии өр буолбат
Бу айан син биир
Ким ону барытын кээмэйдиир
Сөп эбэтэр, сыыһа кэрдиис
Өл эбэтэр киирсэн ис.