Тербеледі тың дала

с. Қ.Шаңғыбаев 
ә. С. Мұхамеджанов 

Түнгі самал егін басын тербейді 
Алыста қыр қарауытын көлбейді 
Айдың нұры баяу ғана дірілдеп 
Тың алқапты көкшіл шұғыла кернейді 

Айлы дала салқын самал тамаша 
Екі ғашық қол ұстасып келе жатыр оңаша 

Екі ғашық қол ұстасып келеді 
Айтылмақ сөз, ақтармақ сыр көп еді 
Бар болғаны жүрек тулап, дем ысып 
Әлсін-әлсін ерінге-ерін төнеді 

Жанға рахат түннің салқын самалы! 
Махаббаттың махаббаттың оты лаулап жанады 

Махаббаттың оты лаулап жанады 
Сол жалыннан жүрек сая табады 
Түнгі дүние төңіректе мүлгиді 
Тербеледі тың егіннің алабы 

Айлы дала салқын самал тамаша 
Екі ғашық, екі ғашық келе жатыр оңаша