Ангырлары чалгын чайып самнап ойнаан
Ава хөлүм аржаан суум-даа чайыналган
Айым-хүнүм херели дег мөнге чүрээм
Амыраам сээ ынакшылым олдур эжим2кат.

Хир чок арыг ак-көк дээрниң делгеми дег
Кижисиг сээң мөзү чаңың меңээ эргим
Мени чаяан авам чаңы сагындырар
Кээргечел эриг баарлыг чассынам сен2кат.

Делегейде чангыс борбак ынакшылым
Тес-Хем черниң дангыназы чассынам сээ
Бурган башкым чаялгазы хайыразын
Буян чолум аскым кежии салымым сен2кат.

Саглайгылаан анай-хаактың адыры дег
Сайла чажың судур суйбап чораан болза
Аяс дээр дег арыг чырык сеткил чүрээм
Артык кези ынак болуп чуртаан болза 3кат