ӘНИ-БӘГЪРЕМ
1)Озак күрми торсам күң(е)лем тула,
Очар коштай җаным талпына.
Нидер җитми кебек көннәремә,
Күңелкәем өз(е)леп сагына.

КУШЫМТА:
Әни- бәгърем,әни- бәгърем, диеп,
Кадерләп-кадерләп яшәрбез.
Йөрәкләрнең түрләреннән чыккан,
Назлы сүзләр белән дәшәрбез.

2)Балаларым,газизләрем, диеп,
Һаман да кайгыртып яшисең.
Булышасың, тырышасың бит син,
Безнең өчен барсын эшлисең.

3)Бәхет-шатлык, куанычта яшәп,
Балкып килсен гомер язларың.
Олы хөрмәт хисе белән бәйләп,
Теләк тели ул һәм кызларың.