Өзге  емес , өзім айтам өз жайымда,
Жүрегім жалын атқан сөз дайында.
Тереңде  тұнып жатқан дауыл күйді,
Тербетіп, тулатып бір қозғайын да...
 
Аманжол  - Рахымжанның Қасымымын,
Мен қалған бір атаның ғасырымын.
Біреуге жұртта қалған жасығымын,
Біреуге аспандағы асылымын.
 
Ша-арлаған жолым жатыр жер бетінде,
Көрінер көлеңкесі келбетімде,
Қа-ай жерде үзіледі  қайран сапар,
Түйін боп өмірімнің бір шетінде.

Екі көз – екі жұлдыз маңдайдағы ,
Көруші ең құбылысты қай – қайдағы.
Яяпырмай,сен де бір күн сөнермісің,
Қап – қара түнек болып маңайдағы.

Дариға, о дариға,шіркін дәурен,
Баасымнан таярмысың бір күн дәурен.
Жалт беріп жоғалар ма нажағадай ,
Жүүзіңде шалқып тұрған күлкім,дәурен.

Сен неткен бақытты едің, келер ұрпак,
Қараймын елесіңе мен таңырқап.
Жааңғыртып жер сарайын сен келгенде,
Көрпемді мен жатармын қырда қымтап.