Словы: Паўлюк Трус
Музыка: Вольга Грышчанка (Тутэйшая Шляхта)

Запеў I:
Пад вясновыя павевы
Буду чуць як тонуць сьпевы
Буду чуць у лозах ніцых
Гоман звонкае крыніцы

А ты ўвечар над крыніцай
У кволай квецені зарніцы
Будзеш з красачак-званочкаў
Завіваць сабе вяночкі

Гэй, гэй!

Рэфрэн:
Ня журыся ты, дзяўчына
Позна апаўночы, гэй! Гэй, гэй!
Хай цьвітуць - не адцьвітаюць
Твае кары вочы

Вецер вее на даліну
Будзіць успаміны, гэй, гэй!
Мо яны апошнія - няйначай
Сэрца ў роспачы ня плача!

Запеў II:
Ты вазьмі свае вяночкі
І пусьці на быстры воды
Сядзь на камень, падзівіся
Падзівіся, усьміхніся

А як устанеш рана-рана
На вадзе вянкі завянуць
Будзеш плакаць і журыцца
Сьлёзы высушыць крыніца

Гэй, гэй!

Рэфрэн.

Рэфрэн II:
Хай цьвітуць - не адцьвітаюць
Радасьці ўсьмешкі, гэй! Гэй, гэй!
Буйным лісьцем завіліся
Твайго жыцця сьцежкі

Вецер вее на даліну
Будзіць успаміны, гэй, гэй!
Мо яны апошнія - няйначай
Сэрца ў роспачы ня плача!

Сэрца ў роспачы ня плача!