1. Қарағым-ай,
Сұлулық осындай болады екен,
Бір басқа армансыз қонады екен,
Адамдар өмірге қонақ екен,
Шынымен бұл дүние шолақ екен.

Қарағым-ай,
Еліктер осылай жосады екен,
Жолыңнан сені кім тосады екен,
Бұл көңіл неліктен босады екен,
Бұл тағдыр сені кімге қосады екен.

Қ-сы:
Қарағым-ай,
Қиылып-үзіліп қарадың-ай,
Қараған қандай сұлу жанарың-ай.

2. Қарағым-ай
Бұл өмір осылай өтеді екен,
Сүймесең дүние бекер екен,
Парақтап жинасаң бар ғұмырың,
Бір сүйген күніңе жете ме екен.