Наһц аав / Дедушка, с материнской стороны
Үгнь Неблән Андра(Лаган балһсн)
Дуулҗахнь В.Убушиев

Ноһан теегт хүрмд орҗ, / 2д / В степи зеленой, на свадьбе,
Наһц аавдан биилнәв. / 2д / Для дедушки своего станцую.
Наһц аавин мөр унҗ, / 2д / Дедушкиного коня оседлав,
Наһцхан дахҗ довтлнав. / 2д / Вслед за дедом поскачу.

Хо-хо, хо-хо, хо-хо мөр унҗ довтлнав, / коня оседлав поскачу,
Хо-хо, хо-хо, хо-хо наһцхан дахҗ довтлнав! / вслед за дедом поскачу!

Нарта делкә җирһлтә бәәҗ / 2д / Пока мир счастлив
Наһц ааван буульнав / 2д / Буду дедушку превозносить
Наһц аавин медаль зүүҗ / 2д / Дедушкину медаль повесив
Нертә баатриг дуранав / 2д / На славного героя буду похож

Хо-хо, хо-хо, хо-хо нертә баатр болнав, / славным героем буду,
Хо-хо, хо-хо, хо-хо наһц ааван дуранав! / буду на деда похож!

Насна туршарт менд бәәтл, / 2д / Пока годами жив - здоров, 
Наһц ааван йөрәнәв / 2д / Буду деда поздравлять
Наһц аавин седкл байрулҗ / 2д / Дедушкину душу радуя
Нерәдсн дууһан дуулнав / 2д / Посвященную ему песню спою

Хо-хо, хо-хо, хо-хо нерәдсн дууһан дуулнав, / посвященную ему песню спою,
Хо-хо, хо-хо, хо-хо седклинь байрулҗ дуулнав! / душу радуя спою!

Нуурин көвәд нутган магтҗ, / 2д / На берегу озера, родину восхваляя, 
Наһц аавтаһан дуулнав. / 2д / С дедушкой вместе спою.
Наһц аавин заквр күцәҗ, / 2д / Исполнив наказ деда,
Нертә дамшан темдглнәв. / 2д / Славные навыки отмечу.

Хо-хо, хо-хо, хо-хо нертә дамшан темдглнәв, / славные навыки отмечу,
Хо-хо, хо-хо, хо-хо наһц ааван байрулнав! / дедушку этим порадую!