Утым бөтһә, усағымда,
Күршем, тип мин уға инәм
Ут күршемдә йән йылыһы
Һис һайыҡмаҫын мин беләм.

Күрше менән гел дуҫ булып
Йәшәйек беҙ гүмер баҡый.
Онотмайса изге һүҙҙе:
Күрше хаҡы — тәңре хаҡы.

Башҡайыма ҡайғы төшһә,
Иң беренсе күршем белә.
Хәсрәтемде үҙ итеүсе,
йыуатыусым күршем була.

Күрше менән гел дуҫ булып
Йәшәйек беҙ гүмер баҡый.
Онотмайса изге һүҙҙе:
Күрше хаҡы — тәңре хаҡы.

Йорт — еренә шатлыҡ килһә,
иң беренсе күршем керә.
Ҡыуаныстар бәлешенән
Миңә лә ул өлөш телә.

Күрше менән гел дуҫ булып
Йәшәйек беҙ гүмер баҡый.
Онотмайса изге һүҙҙе:
Күрше хаҡы — тәңре хаҡы.