Сөям диеп яз әле
Зөфәр Хәйретдинов көе Зөләйха Минһаҗева сүзләре

Иренемдә синең наз тәме,
Күзләремдә һаман яз әле.
Синнән башка төннәр ямьсез дип,
Ялгыз диеп миңа яз әле.
Бераз гына вакыт тап әле,
Сөям диеп бер сүз яз әле.
Ялган булса булыр бу сүзең,
Алданырга әзер мин үзем.

Тәрәзәмә җилләр какканда,
Сызлып — сызлып таңнар атканда,
Мине тагын искә ал әле,
Сөям диеп бер сүз яз әле.

Беләсең бит инде син үзең,
Ничек кирәк миңа шул сүзең.
Җылынсын бу салкын көзләрем,
Бер яктырсын боек йөзләрем.
Бераз гына вакыт тап әле,
Сөям диеп бер сүз яз әле.
Ялган булса булыр бу сүзең,
Алданырга әзер мин үзем.

Тәрәзәмә җилләр какканда,
Сызлып — сызлып таңнар атканда,
Мине тагын искә ал әле,
Сөям диеп бер сүз яз әле.