Тасма тел
                        Дуэт ( шаян җыр)

           1 Кыз:      Бергә мәктәпкә барырга 
 Үзең вәгдә итәсең.
 Бер үзем бардым мәктәпкә 
 Тагын ташлап киткәнсең.
 Малай: Үпкәләмә бик  хәерле
                            Үзең генә барганың 
 Сине төшләремдә күреп
 Мин бит йоклап калганмын

          2 Кыз:      Дуслар шундый була мыни: 
 Көн дә тартасың чәчтән.
 Елап беттем. Шуңа кәрә
 Башым авыртты кичтән.
 Малай:  Күбәләк бантигың белән
 Үзәгемне өзәсең
 Шундый матур чәчләреңнән
 Ничек тартмый түзәсең

 3 Кыз:     Сандугачлар җим ашата
 Бер-беренә сайрашып.
 Кичә биргән кәнфитеңне
 Бүген алдың талашып.
 Малай:  Сине уйлап үзәкләрем
 Өзелеп кипкән иде.
 Синең кулдан кәнфит капкач
 Җан кереп киткен иде.

 4 Кыз:     Шушы тасма телең белән
 Әйләндерәсең башны
 Ичмасам мәктәпкә кәдәр 
 Сумкаларымны ташы!