Әйдә әле, Кыш бабай!    

                              1   Әйдә әле, Кыш бабай,
  Барыйк урманга
  Әйдә әле, Кыш бабай
  Барыйк кырларга.
 Чыршыларның өстенә
 Йолдызлар сибик,
 Кошларның,җәнлекләрнең
 Хәллзрен белик.

    2    Әйдә әле, Кыш бабай
 Чыгыйк урамга:
 Балалар өшемиме
 Карда, буранда?
   Өләшик бүләкләрне 
   Бар балага да
   Бик ерак авылларда
   Һәм калаларда         

        3   Әйдә, гел бәхет кенә 
 Син өлеш әле.
 Кипсен җирнең йөзендә
 Кайгы яшләре.
 Әти, әни янында
 Үссен балалар
 Тыныч кына яшәсен
 Авыл , калалар.

      4   Әйдә әле дусларны
                                 Җитәкләп алыйк,
 Кешеләр йөрәгенә
 Ачкычлар табыйк.
 Биик әле җир шарын 
 Тирәле алып:
 Берүк кенә кыш бабай
 Без соңга калмыйк.