Къач келгенде джокъду сени терслигинг-
Заман кетед - олду аны джумушу.
Джаздан бери тохтамайын барады
Кесим бла джюрегими урушу.

Джашау неди сен джокъ эсенг къатымда?
Джашау неди мен тюл эсем антынгда?
Джашау неди...Мен излеген джангыз ол -
Насыбынгы кёрсенг мени атымда...

Аджашханма айланчында сакълауну,
Ол тёгерек айландырыб къууады.
Кёзлерими башха джары бурсам да,
Джюрек кёзюм сеннге къараб турады.

Джашау неди сен джокъ эсенг къатымда?
Джашау неди мен тюл эсем антынгда?
Джашау неди...Мен излеген джангыз ол -
Насыбынгы кёрсенг мени атымда...