Шошо угыч тольо, лышташат ужаргыш
Мландыжат шӱлалталтыш, кайыш кугу вӱд.
Авай дек кудалам, корнем кӱчык огыл,
А молан чонемже утыр вургыжеш?

Аваем умбалне, каяш эреак ок лий,
Таза эре лийже Юмо деч йодам.
Шочын-кушкынам мый Петъял Кожла Солаште
Провой Кожла Солаште ешым погенам.

Аваем ит вурсо толын эре ом керт:
Паша эре шуко ок лий пытараш.
Палем вучет мыйым, ончет кугу корныш,
Вуча палем таче мыйым шольымат.

Петэҥер каваште шонанпыл шочеш
Кожла Солам ӱмбалне кечыйол модеш,
Черкым эртен каем, оҥем ыреслалам,
Авай поч капкатым, тый декет мием.

Ял воктене корно чылажат вашталтын,
Кушкын шым коремже, чашкеран Пет сержат.
Чылажат сӧрале, а кумыл тодылалте
Рвезе годсо жапше ала пӧртылат.

Шошо эртен кая, кеҥеж эртен кая.
Шижаш ок лий жапшым ӱмыржат эрта.
Шӱжар-шольо-шамыч, илыза келшалын,
Аван шӱмжӧ икте огеш лий пайлаш.