Ялан чәчәкләре
Салават Низаметдинов көе  Зөһрә Котлыгильдина сүзләре 

Тәүге тапкыр синнән чәчәк алдым.
Тап шул мәлне кердең күңелемә.
Ялан чәчәкләрен күргән саен
Искә алам сине хәзер дә.

Сиңа тиклем башка берәү таңдан
Миңа гөлләр бүләк итмәде.
Һәр ел саен туган көнем җитсә
Миңа шул көн,шул төн җитмәде.

Гөлләмәләр була кочак-кочак,
Дусларым күп төрле яшьләрдә.
Мәңгелек җыр булып,бер моң булып
Калдын инде хәзер күңелемдә.