Мұңайған бар әлем,
Жанымды ұғар кім.
Сыртымнан, сірә мен,
Басқа адам шығармын.

Жоғалтып келем бе,
Жылулық жолдарын.
Қолдашы дегенге,
Қолғабыс болмадым.

Қор болар талай дем,
Көп болар тосын жай.
Өзгерем қалай мен,
Өмір ғой осындай.

Періште бола алман,
Көңілде көмескі ой.
Өмір де сан алуан,
Ертегі емес қой...

Өмір-теңіз сынатпақ пенделерді,
Өмір-сынақ, сондықтан бар кедергі,
Асыл Арман жағаға жетеледі 

Болса егер, Арманың бал-шекер шын,
Қатал ағыс болса да қарсы өтерсің.
Жігер-күшті ісінмен көрсетерсің 

Өмір-үміт, үн қосқын өз үніңе,
Өмір-күрес, берік бол төзіміңе.
Өмір-бақыт, жан жүрсе сезіміңе сеніп

Іс пен сөзге адал бол, жарай білгін,
Болса кенет көңілсіз жолай бір күн.
Сеніп айтқан сертіңе қарай жүргін