Диңгез кызы

Диңгезләрдә туып үстең мәллә?
Җырларыңда таулар моңы бар,
Чәчләреңнән аңкый диңгез исе,
Күзләреңдә уйный дулкыннар.

Кушымта:
Очрадың да минем юлларымда,
Елмайдың серле генә.
Синең мәхәббәтең ак дулкындай
Урылды йөрәгемә.

Уйларыңда синең кемдер, иркәм?
Тик син генә минем күңелдә,
Диңгез өстедәге акчарлактай
Очар идем хыял күгендә.

Кушымта.

Икәү бергә ак җилкәннәр белән,
Карамыйча давыл җиленә,
Китик әйдә, китик диңгезләргә -
Кабатланмас сөю иленә.

Кушымта.