Во царствии Твоем помяни нас, Господи, егда приидеши во царствии Твоем. Блажени нищие духом, яко тех есть царствие небесное. Блажени плачущи, яко тии утешатся. Блажени кротцыи, яко тии наследуют землю. Блажени алчущии и жаждущии правды, яко тии насытятся. Блажени милостивии, яко тии помилованы будут. Блажени чистии сердцем, яко тии Бога узрят. Блажени миротворцы, яко тии сынове Божии нарекутся. Блажени изгнании правды ради, яко тех есть царствие небесное. Блажени есте, егда поносят вам и изженуть и рекут всяк зол глагол на вы лжуще мене ради. Радуйтеся и веселитеся, яко мзда ваша многа на небесех Слава Отцу и Сыну и Святому Духу, и ныне и присно и во веки веков. Аминь.