Лей лангсо, лей лангсо, лей тона чирьнесэ, 
Шлинзе Марусинесь ашо пильгензэ. 

Шлинзе Марусинесь ашо пильгензэ, 
Ашо пильгензэ, сэний сельмензэ. 

Уйсть Марусенинь шержей галатне: 
Уй, тыненк уема, ведесь а мутяма. 

Уй, тыненк уема, ведесь а мутяма, 
Ведесь а мутяма, атянть а стявтома. 

Карме Марусинень атявтось сёвноме, 
Атявтось сёвноме, ававтось нерькстнеме. 

Кинь марто, Маруся, веньперть тон яксить, 
Кинь марто яксить, валскес тон аштить? 

Кармить Марусень пулодо усксеме, 
Пулодо усксеме, кудонти пекстнеме. 

Лей лангсо, лей лангсо, лей тона чирьнесэ, 
Шлинзе Марусенька ашо пильгензэ.