Ալմաստը շողում է գլխիդ շալի վրա,
Թուխ մազերդ փռվել են երեսիդ խալի վրա,
Երկու սիրուն աղավնի՝ կրծքիդ կամարի վրա,
Թառել են դրախտ ծոցիդ զառնիշան ալի վրա:
Աշխարհը եկել է, Կուզե քեզ սեյր անի,Յա՛ր ջան, սարի եղնիկ ես՝ Ինչպես հպարտ ջեյրանի: 
Իմ յարը հերոս է, մեր գյուղի արտերի մեջ,
Մեկ անթառամ ծաղիկ է, բուրավետ վարդերի մեջ,
Երկնային շաղն է իջել ոսկեթել վարսերի մեջ,
Կաթիր-կաթիլ թափվում է կրծքի սև խալի վրա:
Քամին ծամդ կօրորե, ցորնի ծով արտի նման,
Աչքերդ արեգակ է, ունքերդ՝ վառ ծիածան,
Վարդ երեսդ գարուն է, խալերդ՝ երամ-երամ,
Կռունկի պես թռչելով, եկան սրտիս մեջ իջան:
Ասում են՝ աշուղ Շահե՛ն, քո յարը շատ խորոտ է,
Վառ արշալույսի նման, պատկերը արևոտ է,
Լուսո աստղը երեսին, վառ լուսնյակից կարոտ է,
Կերթա-կերթա չի հասնի, ե