Шәмдәлдәрҙә генә уттар яна...

Шәмдәлдәрҙә күптән уттар һүнде,
Ә күңелем һине һағына.
Ситлектәге ҡош балаһы кеүек
Яңғыҙ йөрәк ниңә ҡағына?

Шәмдәремдә уттар ҡабыҙырлыҡ
Осҡондарҙы нисек табырға?
Һинһеҙ донъя миңә кәрәк түгел -
Ниңә яңғыҙ ҡанат ҡағырға?

Шәмдәремдә уттар һинһеҙ һүнде,
Тик мин янам утһыҙ -төнһөҙ.
Минең бәхет һинең янда йөрөй,
Һин дә, бәлки, минһеҙ бәхетһеҙ?