Рим Хәсәнов көйө
Рәсих Ханнанов шиғыры

Беҙҙе ташлап йыраҡҡа,
Торналар киткән саҡта.
Һаубуллашыу тауыштары,
Әллә ниҙәр уйлата.

Торналар киткән саҡта,
Әллә ниҙәр уйлата, уйлата.
Торналар киткән саҡта,
Әллә ниҙәр уйлата, уйлата.

Торналар киткән саҡта,
Ергә һары моң ята.
Беҙҙән башҡа улар нисек,
Йәшәр икән сит яҡта.

Торналар киткән саҡта,
Ергә һары моң ята, моң ята.
Торналар киткән саҡта,
Әллә ниҙәр уйлата, уйлата.