АРЮУНА
Үг. Нина Артугаевагай, 
хүгж. Алагуй Егоровай

1. Аалихан досоомни үни бутаржа,
Арюухан нэрэшни шэнгэнэ,
Аажамхан зулгы зангаараа
Айдархан хүбүүдые ургалааш.
Сэсэгэй хөөрхэн дэльбэнүүд
Сэсэглэн hалбараа сээжэдэм.
Сэбэрхэн шэг шарайгаараа
Сэдьхэлым жэгнэн дулаасуулааш.

Арюуна, Арюуна, Арюуна
Арюухан булаг шэнги
Арюуна, Арюуна, Арюуна
Арюухан аршаан шэнги.
Арюуна, Арюуна, Арюуна...

2. Шэнхинүүр хабарай аялгаар
Шамайгаа харан түүрээнэб
Дуунаймни ирагуу хүгжэмдэ
Дали жэгүүр үгэн байгаарайш.
Сэсэгэй хөөрхэн дэльбэнүүд
Сэсэглэн hалбараа сээжэдэм.
Сэбэрхэн шэг шарайгаараа
Сэдьхэлым жэгнэн дулаасуулааш.