Булсын тик сөенеч
Илфат Дәүләтшин көе Алмаз Хәмзин сүзләре

Сык(ы)рый йөрәгем,
Ул нидән, беләмен.
Син мине гафу ит,
Сөюдән түләрмен.

Булмасын үкенеч,
Булсын тик сөенеч.
Мин сине, син мине
Сөябез икән ич.

Ялгышлар була ул,
Күңелләр тулырлык.
Тик икәү: син дә мин
Күтәреп алырлык.

Булмасын үкенеч,
Булсын тик сөенеч.
Мин сине, син мине
Сөябез икән ич.

Үпкә юк үткәнгә,
Өмет бар көткәнгә,
Бәхет ул — тормышны
Икәүләп үткәнгә.

Булмасын үкенеч,
Булсын тик сөенеч.
Мин сине, син мине
Сөябез икән ич.