Үр җаным, миләүшәләр!
Фәрит Идрисов көе Тамара Гәниева сүзләре

Минем сиңа әйтер сүзләрем бар,
Тик күрешкәч зиһен тарала.
Күпләр безгә никах укымаса,
Гаделлек юк, димәк, дөнъяда.

Минем кара чәчләремә
Үр җаным, миләүшәләр!
Миләүшәләр — күзем төсе,
Бигерәк килешәләр.

Минем сиңа җылы сүзләрем бар,
Тик кыюлык кына чамалы.
Язмышыма рәхмәт әйтер идем
Суытмаса безнең араны.

Минем кара толымыма
Үр җаным, миләүшәләр!
Миләүшәләр — күзем төсе,
Кайсыдай килешәләр.

Минем сиңа җылы сүзләрем бар,
Офыгыңда балкый Мәлихә.
Оҗмахлардан йөгереп кайтыр идем
Хыялымда минем кал дисәң.

Минем кара чәчләремә
Үр җаным, миләүшәләр!
Миләүшәләр — күзем төсе,
Бигерәк килешәләр.