Արեւոտ անձրեւը մեղմ երգում է քեզ համար, 
Ու ժպտում կապոյտ հեռուից ցօղոտ մի ծիածան:
Գարնան թովիչ բոյրերն են տաք ալիքւում, 
Քեզ փարւում շնչով անուշ օրուայ: 
Գարնան թովիչ բոյրերն են քեզ համբուրում
Քո հոգում բացում մի վառ, մի անծիր սիրոյ աշխարհ: 

Այս օրուայ շողերը քեզ, ցօղերը քեզ, հոգիս: 
Այս գարնան ժպիտը քեզ, համբոյրը քեզ, անգինս: 
Եւ իմ սրտի դողերը քեզ, սիրելիս: 
Քեզ իմ երգը, մեր սիրուց ծնուած:
Եւ թող մեր մէջ մաղի անձրեւ մի վարար, 
Միշտ սիրոյ լոյսով ցոլայ ու կապի լուսէ կամար: