ӘЛЛӘ КҮРЕШӘБЕЗ, ӘЛЛӘ ЮК

Айдар Фәйзрахманов көе,
Илдар Юзеев сүзләре.

Башка төшкән кайгы-шатлыкларны
Әллә бүлешәбез, әллә юк.
Озат инде, озат, кайта алмам озак,
Әллә күрешәбез, әллә юк.

Бала вакыттагы хыялларга
Әллә ирешәбез, әллә юк.
Үрләр көтә алда. Ниләр көтә анда?
Әллә күрешәбез, әллә юк.

Безгә дигән кырыс язмыш белән
Әллә килешәбез, әллә юк.
Кулда җылың кала, юлда җырым кала,
Әллә күрешәбез, әллә юк.

 [bad word]  [bad word] club3524919