Канон Креста, егоже краегранесие: Кресту, надеявся, пение отрыгаю. Творение кир Космы. Глас 8. 

Песнь 1.

Ирмос: Крест начертав, Моисей / впрямо жезлом Чермное пресече, / Израилю пешеходящу; / тоже обратно фараоновым колесницам, / ударив, совокупи, / вопреки написав непобедимое оружие. / Тем Христу поим, Богу нашему, яко прославися. 

Песнь 3.

Ирмос: Жезл во образ тайны приемлется, / прозябением бо предразсуждает священника; / неплодящей же прежде Церкви, / ныне процвете Древо Креста, / в державу и утверждение. 

Песнь 4.

Ирмос: Услышах, Господи, / смотрения Твоего таинство, / разумех дела Твоя / и прославих Твое Божество. 

Песнь 5.

Ирмос: О треблаженное Древо, / на немже распяся Христос, Царь и Господь, / Имже паде древом прельстивый, / тобою прельстився, / Богу пригвоздившуся Плотию, / подающему мир душам нашим. 

Песнь 6.

Ирмос: Воднаго зверя во утробе / длани Иона крестовидно распростер, / спасительную Страсть проображаше яве. / Тем, тридневен изшед, / премирное Воскресение прописаше / Плотию пригвожденнаго Христа Бога / и тридневным Воскресением мир просвещшаго. 

Песнь 6.

Ирмос: Воднаго зверя во утробе / длани Иона крестовидно распростер, / спасительную Страсть проображаше яве. / Тем, тридневен изшед, / премирное Воскресение прописаше / Плотию пригвожденнаго Христа Бога / и тридневным Воскресением мир просвещшаго. 

Песнь 8.

(Хвалим, благословим, покланяемся Господеви, поюще и превозносяще во вся веки)

Ирмос: Благословите, отроцы, / Троицы равночисленнии, / Содетеля Отца Бога, / пойте снизшедшее Слово, / и огнь в росу претворшее, / и превозносите всем жизнь подавающаго / Духа Всесвятаго во веки. 

Песнь 9.

Ирмос: Таин еси, Богородице, рай, / невозделанно возрастивший Христа, / Имже крестное живоносное на земли насадися Древо. / Тем, ныне возносиму, / покланяющеся Ему, Тя величаем.