Язлар                                                        
Илнат Фәрхуллин көе, Людмила Аланлы сүзләре

1. Язлар... Язлар...
    Алып килә назлар,
    Сихри нурлар сибә дөньяга.
    Шатлык булып,
    Илһам булып килә,
    Бу җанымнан шигъри моң ага.
Кушымта:      Язлар... Язлар...
                       Йөрәк җилкенүдән
                       Хисләр сыймый күңел ярына!
                       Язлар – ташкын!
                       Аның кочагында
                       Барам тәүге сөю ягына...     
                                  
2. Язлар… Язлар…
    Саф мәхәббәт килер,
    Җанга шатлык нуры таратыр.
    Сөю-назга, 
    Бәхетләргә төргән
    Бу язларны һәркем яратыр.
Кушымта.