Каб я знала, каб я ведала
Сваё горкае замужайко
Я бы замуж ні спяшалася
Ў ацца маткі красавалася 
Піла б ела б усё й гатоваё
Да й насіла б штодзень новаё
Па садочку я й пахажывала
Русу косу ўсё расчэсывала
Русу косу ўсё й расчэсывала б 
Русай косе прыгаварывала б
Ой каса ж мая русенькая
Ой каму ж ты прызастанешся
Ці маёру ці палковніку
Ці самому палюбовніку
Што ў карычомцы напіваецца
З майго роду насміхаецца
З майго роду насміхаецца
Сваім родам выхваляецца
Ён велеў мне разуваць, раздзяваць
Ён велеў  мне белу ложаньку слаць
Мне малодзенькой не хочацца
Каля п’яніцы варочацца.