Прысвячэнне Міхалу Клеафасу
Агінскаму (1765–1833) – кампазітару,
дзяржаўнаму і вайсковаму дзеячу
Вялікага Княства Літоўскага і Рэчы
Паспалітай, удзельніку паўстання
Тадэвуша Касцюшкі (1794).
Агінскі вядомы як аўтар папулярных
паланэзаў для фартэпіяна, першым
стварыў паланэзы для слухання, 
а не для танцаў (пазней яго справу
працягнуў Шапэн).
Быў знаёмы з Моцартам і Гайднам.
Творчасць Агінскага высока цанілі
Гофман, Вэбер, Ліст.
Пасля разгрому паўстання ў 1794
годзе быў вымушаны пакінуць родныя
мясціны і напісаў бадай што свой
самы знакаміты твор – Паланэз №13
ля мінор «Развітанне з Радзімай».