САЙЫҤҤЫ АРДАХ
Наталья Михалева – Сайа тыллара, Уля Сергучева - Күннэй мелодията

Сайыҥҥы ардаҕы быыһынан,
Саймаарар сырдыгы аннынан
Мин ааным аттыгар кэлиэҕиҥ,
Күүтэрбэр саарааҥҥын туруоҕуҥ.
Саҥата суох ааммын аһыаҕым,
Саҥата суох утары көрүөҕүм,
Сүрэҕим битийэр үөрүүтүн
Кистээммин мин өрө тыыныаҕым...

Сайыҥҥы ичигэс ардах быыс
Сардаҥа сабыытын түһэриэ,
Аан дойду хараҕын далыттан
Ахтылҕан үөрүүтүн саһыарыа.
Саҥата суох ыга куустуһан
Саймаардар долгуҥҥа устуохпут,
Санааҕа бу сиртэн ыраатан
Күөх дуолга иккиэйэх көтүөхпүт...

Эйигин атаара тахсарбар
Сайыҥҥы кустугум мичээриэ,
Ахтылҕан аргыстаах бараргар
Сайыспыт хараҕым ууланыа...