Отсутствует (исполнитель: Неизвестен)
Санаға ла ектер атты, Бер әйләнеп йөрөп ҡайтайым. Алып бирсе ҡағыҙ, ҡәләм, Азаматҡа бер йыр яҙайым. Алыҫтарҙан, ай, күренгән Ирәндеккәй тауының аҡ ташы. Ҡайҙа бармай, ниҙәр күрмәй Ир-егеткәй менән ат башы. Ир-азамат менгән аттың Бәкәлдәре уның аҡ булыр. Аҫыл егет ҡайҙа йөрөһә лә Ҡылған эше уның хаҡ булыр. Санаға ла ектер атты, Арлы-бирле йөрөп ҡайтайым. Алып бирсе ҡагыҙ, ҡәләм, Васыят итеп һүҙем яҙайым. Гелән дә түтә юл булмаҫ, Аҫыл да ҡоштар ҙур булмаҫ. Ҡайҙа барһаң, дуҫтар кәрәк, Дуҫ-иш барҙа, ирҙәр хур булмаҫ. Сит илдәрҙә күп йөрөнөк, Ваҡыт түгел микән ҡайтырға. Йөрөгән ерҙең ҡурайы юҡ, Кургәндәрҙе көйләп тартырға.