Җаңһрин баатрмудин магтал
Шинҗәнәхн дуулсн

Бичкн Ширкин ачн
Төмрлг Төмр хаана көвүн
Ихэлңгин Шикширгин 
Ууһн һанцхн көвүн
Арвн хойр баатран 
Алг нүдлә ильцәр бәрдг
Ар Бумбан орна,
Арг  Улан Хоңһр гинә - лооой

Төмр шимнь түүдг 
Батлң сакдг  Алтн Чееҗ
Дөр шаҗнь хойрнь  
Домн сакдг Алтн Чееҗ
Арг Зулын хаана көвүн
Агсг Улан күлгтә 
Аһан чинән алг нүдтә
Алтн Чееҗиг Баава гинә- лооой

Найн иигин алдр иштә
Нәәмн алд иртә
Утс цаһан шидтә
Хурдн һалзн күлгтә
Киитн чолун зүрктә
Көрә һазр иидтә
Күмнән ачнь Шоңхр
Күнд һарта Савр гинә - лооой

Натр цаһан әрвнлә
Номр алтн төдгәр
Найн давхр көтлң гисн
Алдр  ик иртмтә
Эзн Ширкин ачн
Тарвс дала хаана көвүн
Ут хар күлгтә
Усн тарһн Гүзән Гүмб - лооой

Замб һанзн дүүвр цагтан
Замблң орчлң гиләксн
Үсн деер урт саата
Урдн җиврт хоңһр күлгтә
Хормст теңһрәс булһсн
Хурдн җиврт хоңһр күлгтә
Догшн Ширкин дунд көвүн
Догшн Сакл агтл нара - лооой

Бумб ирчс дала
Богд өндр уулнь
Сән нерин күчәрнь
Сакн зоксн түүктә
Эзн Ширкин ачнь
Урвлң һанцхн көвүн
Буурл һалзн күлгтә
Бумбан догшн Хар Санл гинә - лооой

Хоо зандн суурад
Хойн булң хатхула
Ойн шовуд доңһсн мет
Оһтрһуд җирһтл соңсгдго
Эзн Богдо Җаңһрин
Эркн сәәхн нертә семчүд
Эрг Тоһл хаана көвүн
Орчлңгин сәәхн Миңгийян гинә - лооой

Ар Бумбан өрүнә
Арзңһин бодңгн 
Ууһн дунд кевтгснь
Унн айвн цөөснь
Аразн арвн миңһн
Бодңгин ахлачнь
Заядт алдр хаана көвүн
Залу бурхн Бормаңна гинә - лооой

Ойн болн хулснас 
Әрәхн болгсн цоохр мең
Хоол нуһсна дуута татдг
Эрк хар нүдн - ой
Төмр хайҗ алдҗ үзәдә
Мөрн күүнә салҗ үзәдә
Заяч алдр хаана көвүн
Эрк хар нүдн гинә - лооой

Арвн хойр сарин һазрас
Уңһн дааһн хойр
Чамаһан хәләһәд
Ишкҗ бәәхнь
Энд яа үзҗәхшв
Салькнас  делү хурдн
Сананас  алд хурдн
Шатр цаһан күлгтә
Бударад өркн тавл гинә - лооой

Бурһсн гинә шидгтнь
Оол тооть шовун
Хоңһрин нүдәрн харлгсн
Хар җилин сун җивр
Далвң хаана нутгтан
Харвачарн мир тугтсн
Харат хаана көвүн
Хар җилинь сун чигн гинә - лооой

Хамцг Бумбан орндан
Таасг болгсн Алг күлгтә
Харач алдр хаана көвүн
Хапта келнәч кеҗл гинә - лооой