Кунĕпех çавать сивĕ çумăр
    Пытанса лараç çынсем килте
    Уй-хир варринче çак çумăр витĕр
    Йĕпенсе тăрать пĕр кĕлетке
    Умĕнче выртать ун çывăх тусĕ
    Тихаран ӳстернĕ хăй лаши.
    Кĕвĕлме ĕлкернĕ тусăн юнĕ
    Пурнăç паллине памасть чĕри
    
    Ялтан инçе мар хура вăрман
    Ирĕке хуçа тусне ярсан
    Ĕрĕхсе каять вăрман енне
    Пĕлмесĕр унта мĕн кĕтнине
    Ĕрĕхсе каять вăрман енне
    Пĕлмесĕр унта мĕн кĕтнине
    
    
    Выляма чарăнсан чăтлăхра
    Ăнлансан пĕччен çеç пулнине
    Каялла анчах çеç çаврăнайрĕ
    Курчĕ кашкăрсен ертӳçине
    Ик ураллă тăчĕ, хăрамарĕ
    Амантса кашкăрсен пуçлăхне
    Мĕнпур вăйĕпе унтан вăл тарчĕ,
    Вăрмантан тухсан ӳкрĕ çĕре
    
    Çивĕч шăлсемпе хыçран çакланнă
    Ӳссе çитнĕ кашкăр çурисем
    Вилмеллех çапах ăна амантнă
    Пăшал сассине илтсен вĕсем
    Вилмеллех çапах ăна амантнă
    Пăшал сассине илтсен вĕсем
    
    
    Кунĕпех çавать сивĕ çумăр
    Пытанса лараç çынсем килте
    Уй-хир варринче çак çумăр витĕр
    Йĕпенсе тăрать пĕр кĕлетке
    Уй-хир варринче çак çумăр витĕр
    Йĕпенсе тăрать пĕр кĕлетке