Кышларым да узып бара, 
Тагы бер язым җитә. 
Көтүләрем бушка булган 
Гомерем синсез үтә.
 
пр. Болытлар агар инде, 
Тамчылар тамар инде. 
Янарга калган йөрәгем 
Янар да янар инде. 

Салкын томаннар сарыла 
Иртәләрен талларга. 
Ходаем, сабырлыклар бир 
Ялгыз калган ярларга. 

пр. Болытлар агар инде, 
Тамчылар тамар инде. 
Янарга калган йөрәгем 
Янар да янар инде. 

Сөенепме, көенепме 
Язларым узып бара. 
Булмадың бәхет йолдызым, 
Булдың гомерлек яра.

пр. Болытлар агар инде, 
Тамчылар тамар инде. 
Янарга калган йөрәгем 
Янар да янар инде.