Чамаһан саннав
Осорин Утнасн

Халунта, киитнтә орчлң дуунд,
Хәәртә гиҗ чамаһан медләв.
Хатута, җөөлнтаә җирһл дунд,
Хәәртә гиҗ чамаһан таньлав.

Халта, таалта улсин заагт,
Хәәртә гиҗ чамаһан оллав.
Харцта, хармслта насна дунд, 
Хәәртә гиҗ чамаһан медләв.

Бурута, зөвтә эрдмч деер,
Батта гиҗ чамаһан таньнав.
Һашута, әмтәхн әмдрл дунд,
Һанцхн гиҗ чамаһан медләв.

Зовлңта җирһлтә седкл дотран,
Зүркн гиҗ чамаһан доталлав.
Әәхтә, бәәхтә дамҗан деер, 
Әмн гиҗ чамаһан саннав.