"Йомағужам"
Рәил Игеҙбаев һүҙ. һәм көйө
(аранж. Олег Зиннатуллин)

1. Бишегеңдә, Йомағужам, үтте бала саҡ,
Йәшлегемдең һәр бер мәле иҫтә ҡаласаҡ.
Һин миңә ерҙә булмаған мираҫ ҡалдырҙың -
Күкрәк тултырып һуларлыҡ тыуған ер һауаһын.

Ҡушымта:
Тыуған ерем һәм төйәгем,
Һағынып көтөп алған өйөм -
Йомағужам, Йомағужам, Йомағужам.
Үҙ ҡосағыңда үҫтереп,
Алыҫтарға оҙатһаң да,
Бары кире ҡайтам һиңә, Йомағужам!

2. Ағиҙелдең буйҙарында һыу инеүҙәре,
Ташморонда күңел асып ял итеүҙәре
Һағындыра һәм күңелдә ҙур дәрт уята -
Иҫ киткес тәбиғәтле ауылыма ҡайтырға.

Ҡушымта: шул уҡ

3. Ғәзиз ерем, һин өйрәттең мине бик күпкә:
Дуҫлыҡ, тоғролоҡҡа, намыҫҡа, ғәҙеллеккә.
Был изге байлығың йөрәктә мәңге һаҡланыр
Һәм ошо йырым аша бар донъяға таралыр!

Ҡушымта: шул уҡ

© 2012