Эртенги хүн херелдери өрээл иштин
Эргимим дег кужактаансыг кирип келди
Саарлып баткан ужарлар дег хүннүң чырыы
Сарыым мени оттурган дег сагындырды.

Кайда-дыр сен, кайда сен?
Муңгаралым шала чазык,
Муңчулбаз бодал-биле
Ырлап чор мен чараш кыс, чараш кыс...

Карактарым ажып алгаш элээн-не үр
Кирип келген херелдерже көргүледим,
Эргеленип, куспактанган эжим кыстың
Эът-кежин чылытканым сактып келдим.

...

Каас черим, чүрээм тудуш ак-көк дээрим
Кайгамчыктыг уран-каазы өрээлимге
Сыннар ажыр, хемнер кежир эжим сени
Сагындырып, отуруп кээр шак ол чүзүл?

...

Оран-таңдым каас-чараш ыржымынга
Оттуп келгеш сеткил-хөңнүм улам сергеп,
Талыгырда эжиңниң мээң сагыжында
Таңдым кызы, эртинези кады чор сен.