Yovuzlik kuchlari kelmas g'olib,
Devlar ham ketadi ortda qolib.
Bulutni parchalar oftob,
Chekinar alam, iztirob.

Ko'ngilda beg'ubor yoshlik fasli,
Mehrni o'ldirib bo'lmas.
Asli tomchi suv teshadi toshni,
Sinaydi sevgi bardoshni.

Naqarot:
Bor ekan mehr,
Yurakda bor ekan –
Yo'q ekan qahr,
G'azab, zor yo'q ekan.
Kim sevsa, uning umri
Tirik hayot ekan. (2х)

Baxt bo'ladi, yor.

Afsona yashaydi qo'shiq bo'lib,
Muhabbat yashnaydi nurga to'lib,
Intizor qushga o'q otma,
Yurakni tosh deb yo'qotmang.