Анадан алғаш туғанымда, 
Жыладым неге дауыстап.
Кiндiктi кесiп қиғанында,
Анамнан кеттiм алыстап. 
Жұлдыз бен айды аламын деп,
 Аптықтым неге жасымда.
 Еркiндiк жолын табамын деп,
 Ойлаған екем басында. 
Еңбекке шыда ебiн тап та,
 Сабырдың түбi - сары алтын.
 Өзiмшiл болма, көптi ардақта,
 Адамның бәрi - өз халқың. 
Зұлым боп елдi қырсаң-дағы,
 Қожаңыз себеп болмай ма?
 Патса боп қанша тұрсаң-дағы,
 Бiр күнi ол дәурен солмай ма?!