Шақырған алдан ақ желкен арман, 
Тәтті өмір балдан, екенін жалған бір күн, 
Кім білген? 
Алдамшы – бақыт, сезімге батып, 
Бал дәмін татып, өтеpін уақыт бір күн, 
Кім білген?

Самғады ақ бұлттай әнім шалқып, 
Ой-қиял ұшады көкте қалқып.

Бал күндер әнді, сері күн сәнді, 
Сағынтып жанды кетерін мәңгі алыс, 
Кім білген? 
Сезімге толы махаббат жолы – 
Өмірдің жолы, өтерін оның бір күн, 
Кім білген?

Самғады ақ бұлттай әнім шалқып, 
Ой-қиял ұшады көкте қалқып.

Қайырмасы: 
Шексіз шексіз армандар 
көңілімнің таппай бір емін, 
Өмір атты орманда 
адасып жүрем үнемі. 
Ғайып болды көп нәрсе, 
Көрінбейді көзге ештеңе. 
Көз ұшында елестей, 
Қол бұлғап кетті ақ кеме.

-/-/-//-/-/-

Самғады ақ бұлттай әнім шалқып, 
Ой-қиял ұшады көкте қалқып.

Қайырмасы: 
Келші, келші, жанымда 
көңілімнің таппай бір емін, 
Өмір атты орманда 
адасып жүремін мен әлі. 
Ғайып болды көп нәрсе, 
Көрінбейді көзге ештеңе. 
Көз ұшында елестеп, 
Қол бұлғап кетті ақ кеме.