“ Хыял кызы ”  (2009) ©

Ф.Аубакиров муз.
А.Халиев суз.
Сөям сине,бары сине сөям,
Күз алдымда тора сурәтең,
Яннарыңа барып кочар идем,
Әгәр җитсә шуңа кодрәтем ...!

Һәрбер көнне шулай көтәм сине,
Очрарсың дип барыр юлымда,
Сагындым шул сихри күзләреңне,
Онтыйк әле,әйдә,барын да !

Очрашмабыз бәлки беркайчан да,
Күрешмәбез уртак юлларда,
Тик сине онытмам,Хыял кызы,
Югалсаң да әллә кайларда ...

Очрашырбыз дип,өметләнеп яшим,
Синең белән айлы кичләрдә,
Тик син китмә,зинһар,Хыял кызы,
 Яши алмам синсез һичләр дә !

Көтмәгәндә сине очраттым мин,
Белмәдем бит сине сөясен,
Яратам шул сине,Хыял кызы,
Килә сине шундый күрәсем !