“Саһан болоходом тодоорой…” (“Подставь мне ладони”) 

Шааюурхан горхотой нютагтаа 
Шэхэндэш аалихан шэбэнэхэ, 
Һэмээхэн хасарыеш таалаха 
Һэрюухэн һэбшээн болохом гү? 

Хүгжэмтэ аялга дуунуудаа
Хэтэдээ шамдаа дуулаха
Хоёр жэгүүр далинуудтай
Хөөрхэн булжамуур болохом гү?

Үүр сайхаһаа урдахана 
Үншэн хүүхэндэл гансаараа 
Аалин сонхоорш шагааха 
Алтан һара болохом гү? 

Сэнтэй хайрата инагайнгаа
Дулаахан альган дээрэ
Доошоо ниидэхэдээ тогтохо
Саһан болохом гү?

Һэбшээн болоходом шэбшээрэй,
Һара болоходом хараарай,
Булжамуур болоходом шагнаарай,
Саһан болоходом тодоорой.