Апошніх словаў марны шэпт (пераклад "А напоследок я скажу")

Апошніх словаў марны шэпт:
Бывай, кахаць ужо ня трэба.
Знікае свет,
За ім услед
і цемру забірае неба.
Як ты кахаў?
Ты наклікаў
няіснае
На нашы мары.
Ты так кахаў,
Як уцякаў,
Хаця цябе я не трымала.
Апошніх словаў марны шэпт...
Пачуццям думак нестае,
Пяшчотны сэнс згубілі рукі,
Цябе не бачаць сны мае,
Знікаюць пахі, моўкнуць гукі.

Апошніх словаў марны шэпт.
Апошніх словаў марны шэпт:
Бывай, кахаць ужо не трэба.
Знікае свет,
За ім услед
і цемру забірае неба
Апошніх словаў марны шэпт...

Алесь Камоцкі