Пішуць газэты,
Што нельга пражыць без газэт.
Пішуць паэты,
Што з вершаў складаецца свет.
Хтосьці камусьці
Ня мусіць нічога рабіць.
Можна прымусіць,
Ды нельга прымусіць любіць.

Тое, што ёсць паміж намі
Нельга памацаць рукамі.
Тое, што ёсць паміж намі
Не прадаецца ў краме.
Тое, што ёсць паміж намі
Не разумеем мы самі.
Тое, што ёсць паміж намі,
Тое, што ёсць паміж намі.

Кажуць кіроўцы,
Што кола - правобраз Зямлі.
Лічаць вайскоўцы,
Што ўсе невайскоўцы - нулі.
Шумнай ракою
На Захад сплываюць мазгі.
Годных героеў
Жыццё правярае на згін.

Тое, што ёсць паміж намі
Нельга памацаць рукамі.
Тое, што ёсць паміж намі
Не прадаецца ў краме.
Тое, што ёсць паміж намі
Не разумеем мы самі.
Тое, што ёсць паміж намі,
Тое, што ёсць паміж намі.

I сумна, і нудна,
I брыдка працягваць руку.
Працоўныя будні
На звыклую хіляць тугу.
Хочацца верыць
А мусіш іранізаваць.
Выйдзі за дзверы,
Там вецер
I зоркі зіхцяць...

Тое, што ёсць паміж намі
Нельга памацаць рукамі.
Тое, што ёсць паміж намі
Не прадаецца ў краме.
Тое, што ёсць паміж намі
Не разумеем мы самі.
Тое, што ёсць паміж намі,
Тое, што ёсць паміж намі.