Г1ург1езан т1ам санна к1айн
Ахь куьг схьакхийдадо дайн -
Ас х1ун дан деза те х1инца,
Сан куьйгаш дихкина хилча.

Хьан озо д1авоьху гена,
Денлуче азалин г1енаш -
Ас х1ун дан деза те х1инца,
Сан когаш бихкина хилча.

Ахь, соьга д1аэца бохуш,
Хьайн некхехь дог серладоху -
Ас х1ун дан деза те х1инца,
Сан дагах ша бина хилча.

Ма малха юьйлу хьо, малха -
Ас х1ун дан деза те х1инца,
Дахаро сан дег1ах кхалха
Нигатан шад бина хилча.